Techniken 

Ech schaffe mat 2 Techniken: Dat sënn de ganz normale Brand am elektrischen Uewen, an de Rakubrand am Gasuewen. 

Elektrische Brand

Héi gëtt zweemol gebrannt. Den éischte Brand  ass de Schrühbrand, an den zweeten Brand de Glasurbrand.  Bei dëse Bränn gëtt Temperatur jeweils ganz lues erop a ganz lues erof gefuer. No ungeféier 24 Stonnen, je nodeems bei waat fir enger Temperatur gebrannt gouf,  sënn d' Wierker genuch ofgekillt fir erausgehollt ze ginn.  


Rakubrand 

Den Ursprong vum Rakubrand kënnt aus Japan. Ët ass een aalen Japanische-Rauchbrand.  Beim Rakubrand ginn d' Wierker beim 2te Brand, net wéi uewen beschriwwen, am elektrischen Uewen gebrannt,  ma am Gasuewen.  Ech schaffen virun allem mat der Rakutechnik, well  déi mech  absolut faszinéiert.  Obschons, des Technik vill méi aarbichts-opwennig ass, an de Risk och vill méi grouss  ass, daten  déi färdeg Konstwierker gäre räissen, well se eng  sëlligen Temperaturschocken . erdroe mussen,  während dem ganzen Brennprozess,  ass de Rakubrand absolut meng léiwsten Brenntechnik.

D'Experimentéieren mat verschiddenen Materialien ass einfach fantastisch an duerch déi verschidden Reaktiounen am Brennprozess, ass all Wierk eent absolut Eenzelstéck. An dat ass allkéiers de Loun fir den Opwand.